ලම්ප් රයිස් - සම්පුර්ණ රෙසිපිය

 ලම්ප් රයිස් /  ලම්ප්‍රය්ස්

ශ්‍රී ලංකාවට හඳුන්වා දෙනු ලැබුවේ ලන්දේසි - බර්ගර් ජනගහනය විසින් ශ්‍රී ලංකාවේ පාලන සමයේදී (1658-1796) වන අතර ලම්ප්ර්ර්ස්  යන්නෙහි තේරුම "බත් පාර්සලය " යන්නයි. 

මේ හැම දෙයක්ම එකම දවසේ හදනවාට වඩා  මම යෝජනා කරන්නේ කලින් දවසේ බත් එක ඇරෙන්න සියලුම දේ සාදා ෆ්‍රිජ් එකේ දමා පසුව රත් කර බත් එකට එකතු කරන ලෙසයි. හැම දෙයක් ම උණුවෙන් තියෙන්න ඕන. 

කිසිම අඩුවක් නැතුව සම්පුර්ණ රෙසිපිය පහල තියනවා. ඉතින් හදලා බලන්න .

1) චිකන් ස්ටොක් එක හදා ගන්න 

චිකන් වල හම ටිකක් , කෑලි ටිකක්, කටු ටිකක්,  ලුණු, කපාගත්  කැරට් ගෙඩියක් ,  ලීක්ස් වල සුදු පාට කෑල්ල,බේ ලීව්ස් දෙකක්  සුදුලූනු, ගම්මිරිස් ඇට 4, ලුණු සහ  වතුර දමා හිමින් තම්බා ගන්න .

2)කට්ලට් 

• කරාබුනැටි, කුරුඳු සහ එනසාල් පෑන් රෝස්ට් කරන්න 
• සිහින් කුඩු බවට අඹරන්න
• සිහින්ව කපාගත් රතුළූණු, කපාගත් සුදුළූනු කරපිංචා, කුළු බඩු කුඩු දමා බැද ගන්න.
• (කට්ලට් වලට රතුළුණුම ගන්න. බීළූනු හරියන්නේ නැහැ. වතුර උනන ගතිය වැඩියි. )
• කපාගත් අමු මිරිස් සහ කෑලිමිරිස්, මිරිස් කුඩු  ටිකක් එකතු කරන්න
• මාළු දමා හොඳින් කලවම් කරන්න. සෑම දෙයක්ම එකට එකතු වන තුරු ෆ්රයි  කරන්න 

• ඉන්පසු තම්බා පොඩි කරගත් අල එකතු  කරන්න
• හොඳන්  මිශ්‍ර කර ලෙමන් යුෂ බින්දු කිහිපයක් එකතු කරන්න
• දැන් සමාන ප්‍රමාණයේ බෝල සාදා ඒවා කොන් ෆ්ලා වල රෝල් කරන්න
• බිත්තර සුදු මද ගසා කට්ලට් බෝල එහි ගිල්වා පාන් කුඩු තවරන්න 
• ෆ්ර්ය් කරන්න 

3) චිකන් කරිය 

• චිකන් වලට මිරිස්, කළු තුනපහ, ලුණු, විනාකිරි, දමා මැරිනෙට් කරන්න 
• චිකන් ටික තෙල් ටිකක ෆ්‍රයි කරන්න. පැත්තකින් තියන්න.
• වෙනම පෑන එකක තෙල් රත් වන විට Ginger Garlic Paste/ ඉගුරු සුදුළුනු පේස්ට් දමන්න
• ලූණු, අමුමිරිස්, කරපිංචා, රම්පේ, කරාබු නැටි, එනසාල් දමාගන්න. ඔක්කොම ෆ්‍රයි කරන්න   
• මිරිස් කුඩු , කළු තුනපහ කුඩු, කහ ටිකක් එකතු කරන්න 
• ෆ්‍රයි කල චිකන්  ටික දමන්න
• හොදින් ෆ්‍රයි කරගන්න 
• උණු වතුර ටිකක් දමා විනාඩි  කිහිපයක් ෆ්‍ර්ය් කරගෙන වසා උයාගන්න
• පොල්කිරි ටිකක් උඩින් දමා රම්පෙ, කරපිංචා දමා වසා අන්තිමට විනාඩි 3,4 ක් තැම්බෙන්න දෙන්න.   
• චිකන් කරි එක තික් වට තියෙන්න ඕන. 

4)අලුකෙසෙල් කරිය 

• අලු කෙසෙල්හතරැස් වට කපාගන්න
• කහ හා ලුණු අතගා ගැඹුරු තෙලේ  බැදගන්න. 

(Air Fryer නම් තෙල් ටිකක් දමා 180°c ට  10 මිනිත්තු  පමණ)

•  අලුකෙසෙල් වලට ලුණු, ලූණු, කරපිංචා, කහ, අමු තුනපහ, උලුහාල් ඇට, විනාකිරි ටිකක්, මිරිස් කුඩු පිංච් එකක්, අමුමිරිස් සමග පොල්කිරි දමා තම්බා ගන්න. 
• අන්තිමට සීනි ටිකක් සහ සෝයා සෝස් බින්දු කිපයක් දමාගන්න. 

5)වම්බටු කරිය 

• වම්බටු දිගට කපාගන්න. කහ ලුණු දමා ගැඹුරු තෙලේ බැඳගන්න.තෙල් බේරෙන්න තියන්න (කහ, ලුනු, තෙල් වල මැරිනේට් කර Air-fryer එකේ බදින්නත් පුළුවන්) 
• පෑන් එකක බටර් ටිකක් දාලා කජු  බැදගන්න
• විනාකිරි ටිකකට අබ කුඩු දමා විනාඩි 10ක් තියන්න. ලුණු , සිනි දමා රස හදා ගන්න.  ඉගුරු සුදුළුනු පේස්ට් දමන්න
• තෙල් රත් වෙන්න තියා රතුලූණු ගෙඩි පිටින් දමා ෆ්‍රයි කරන්න. දිගට පලා ගත් අමුමිරිස් ,කරපිංචා ,රම්පෙ දමා ගන්න
• කෑලි  මිරිස් දාන්න 
• පොල් කිරි ටිකක් දමා උතුරන විට විනාකිරි සෝස් එක දමාගන්න 
• වම්බටු ටික දාන්න . පොඩි හැන්දකින් යන්තම් කවලම් කරන්න 
• උඩින් කජු ටික දාන්න 
• රස බලා අඩුනම් ලුණු , සීනි එකතු කරන්න 

6)සීනි සම්බෝල

• ලූණු ඉතාම සිහින් වට පෙතිකපා සියඹලා ඉස්ම, ලුණු, සීනි, කෑලි මිරිස්  දමා අතින් හොඳින් පොඩි කරන්න
• තෙල් වලට  කරපිංචා හා රම්පෙ,  කුරුඳු දමා ලූණු මිශ්‍රනයද දමා ෆ්‍රයි කරන්න 
• කූණිස්සන් ටිකක් සෝදා ගෙන වෙනම තෙල් ටිකක ෆ්‍රයි කරගෙන මික්ස් කරන්න  

7)බිත්තර ෆ්‍රයි 

• බිත්තර තම්බන  වතුරට ලුණු දමා විනාඩි 8 - 10 ක්  තම්බා ගන්න 
• ටූත් පික් එකකින් හිල් විද කහ ලුණු වල රෝල් කර තෙල් ටිකක බැද ගන්න 

8)බත් එක 

• සම්බා හාල් / සොනා මසූර් හාල් හොදින් හෝදලා විනාඩි 20ක් වතුරේ පෙගෙන්න තියන්න(බාස්මති හාල් හරි යන්නේ නැහැ )
• විනාඩි 20 පසුව වතුර ඔක්කොම බේරෙන්න තියන්න 
• බටර් සහ තෙල් එකට රත් වෙනකොට ඉගුරු සුදු ලූණු පේස්ට් එක දමා දුඹුරු පාට වෙනකොට කරපිංචා, ලොකු රම්පේ , එනසාල්, කරාබුනැටි, කුරුදු ,ගම්මිරිස් ඇට, ලුණු ටිකක් දමා බැද ගන්න
• හාල් ටික දාලා විනාඩි 8ක් විතර ෆ්‍රයි කරන්න 
• චිකන් ස්ටොක් එක උණුවෙන් දාන්න. ලුණු බලලා මදි  නම් තව දාන්න. ස්ටොක් එක මදි නම් උනු වතුර ටිකක් දාන්න
• වහලා උයන්න. වතුර බෝයිල් වෙන විට හැදී ගාන්න
• බත් එක බේරි නොවී ලස්සනට තියෙන්න ඕන  

කෙසෙල් කොලය තවා ගන්න 

• කෙසෙල් කොලය ගිනි දැල්ලට අල්ලා තවා බත් එක බෙදා හොදින් ඔතා ගන්න

 (මෙහිදී සියලුම දේ උණුවෙන් තියෙන්න ඕන. කලින් හදා ගත් දේ ඔක්කොම උනු කර ගන්න)

• විනාඩි 20කට පසු රස විදින්න